انگلش | کیا، کب اور کیوں؟

انگلش کیا ہے؟

انگلش ایک  non phonetic زبان ہے۔ دراصل بانیں دو قسم کی ہوتی ہیں:

1. Phonetic
2. non-phonetic

Phonetic وہ زبان ہوتی ہے جو لکھنے اور بولنے میں ایک ہی ہوتی ہے یعنی جس طرح لکھی جاتی ہے اسی طرح پڑھی جاتی ہے۔ جیسے اردو کہ اسے جس طرح لکھا جاتا ہے اسی طرح پڑھا جاتا ہے۔ اور not-phonetic وہ زبان ہوتی ہے جو لکھنے اور بولنے میں مختلف ہوتی ہے جیسے انگلش کہ اس کو لکھا کچھ اور جاتا ہے اور پڑھا کچھ اورجیسے:

• Knowledge : نالیج۔(اسے کنالج پڑھنا چاہیے تھا)
• Talk: ٹاک (اسے ٹالک پڑھنا چاہیے تھا)

اس لیے انگلش not phonetic زبان ہے۔

زبان کیا ہوتی ہے؟

Language: It’s a medium of exchanging of our thoughts and feelings.

اپنے خیالات اور جذبات کے اظہار کے ذریعہ کو زبان کہتے ہیں۔ اور اس کی دو قسمیں ہیں:

1. Verbal language (بولی جانے والی)
2. Non-verbal language ( لکھی جانے والی)

 انگلش کی اصل کیا ہے؟

انگلش اصل میں انگلستان کے لوگوں کی زبان ہے جو اینگلو سیکسن انگلینڈ میں شروع ہوئی۔ اور اس کا تعلق ہند یورپی زبانوں کے مغربی جرمن گروپ سے ہے۔

 انگلش کے سب سے زیادہ قریب فریسیئن (Frisian) زبان کو مانا جاتا ہے. شروعات میں انگلش کے الفاظ دیگر یورپی زبانوں سے متاثر تھے، اور بعد میں رومی زبانوں، خصوصاً فرانسیسی زبان سے متاثر ہوکر ابھرے۔

انگلش میں دوسری زبانوں کے الفاظ

انگلش ہند یورپی زبانوں کے مغربی جرمن گروپ سے تعلق رکھتی ہے۔ اس کی زیادہ تر لغت جرمن زبان ہے، جو لاطینی اور فرانسیسی سے بہت زیادہ متاثر ہے، حالانکہ اس نے دنیا بھر کی دوسری زبانوں سے بھی بہت سے الفاظ ادھار لیے ہیں۔ جیسے:

• Shampoo (ہندی سے)
• Algebra (عربی سے)
• Pajama (فارسی سے)
• Jackal (ترکی سے)
• Mosquito (ہسپانوی سے)
• Casino (اطالوی سے)
• Bazaar, Caravan (فارسی سے)
• Ski (ناروے سے)
• Igloo (ایسکیمو سے)

انگریزی زبان کی تاریخ

انگریزی زبان کی تاریخ پانچ صدی قدیم ہے پانچویں صدی میں جرمنی کی ایک جگہ سیکسنی Saxony سے ایک قوم Anglo Saxon انگلینڈ میں آئی اور اپنے ساتھ اپنی زبان  Saxon لے کر آئی۔ چونکہ انگلینڈ میں پہلے سے لاطینی زبان بولی جاتی تھی اور اب Saxon بھی اس میں مل گئی اور اس طرح ایک نئی زبان Old English  جسے Anglo Saxon بھی کہتے ہیں وجود میں آئی۔

چھٹی صدی میں جب عیسائیت کے فروغ کے لیے عیسائی لوگ انگلینڈ میں آئے۔ جیسے Saint Augustine جو عیسائیت کے فروغ میں کوشاں رہے ہیں وہ انگلستان آئے اور اپنے ساتھ بہت سی مذہبی کتابیں لے کر آئے یہ کتابیں لاطینی، گریک اور حیبرو میں تھیں اور لوگ عیسائیت میں داخل ہورہے تھے اس لیے لوگ ان زبانوں کو بھی سیکھنے لگے۔ اس طرح ان زبانوں کے الفاظ بھی انگریزی زبان میں شامل ہوگئے۔

پھر آٹھویں صدی میں ایک قوم Vikings نام کی آئی جو بہت جنگلی لوگ تھے یہ لوگ Norway, Sweden اور Denmark

 سے ائے تھے جسے Scandinavian countries کہتے ہیں اس طرح یہ لوگ ان ممالک کی زبانیں بھی اپنے ساتھ لائے اور ان کے الفاظ بھی انگریزی زبان میں ضم ہوگئے۔

اسی طرح سولہویں صدی میں جب جہازوں کے ذریعے نئی نئی جگہیں دریافت ہوئیں تو ان سے بھی نئے الفاظ آئے۔ اس کے علاوہ اٹھارویں صدی میں انگلینڈ دوسرے ممالک جیسے ہندوستان، امریکہ اور افریقہ وغیرہ پر قبضہ کرکے حکومت کرنے لگا اس سے بھی انگلش میں ان جگہوں کے الفاظ شامل ہوتے گئے۔ اور اس طرح انگریزی زبان میں نئے الفاظ، فقرے، قواعد کا اضافہ ہوا اور لندن کی زبان ایک معیاری زبان ہو گئی۔ اور 1604 میں انگلش کی پہلی لغت شائع ہوئی۔

جدید انگلش اور قدیم انگلش میں بس ذخیرہ الفاظ کا فرق ہے جو کہ پانچویں صدی میں جرمن آباد کاروں کی بولی سے ترقی کرکے 21ویں صدی میں ایک عالمی زبان بن چکا ہے۔

انگریزی زبان کی اسی تاریخ کو انسائیکلوپیڈیا برٹانیکا نے مختصر الفاظ میں اس طرح بیان کیا ہے کہ انگریزی کا آغاز 5ویں صدی کے دوران برطانیہ کے حملے کے ساتھ ہی ہوا۔ تین جرمن قبیلے؛ Jutes، Saxons اور Angles فتح کرنے کے لیے نئی زمینیں تلاش کر رہے تھے، اور شمالی سمندر پار ہو گئے۔ حملے کے دوران، مقامی برطانویوں کو شمال اور مغرب میں ایسی سرزمینوں میں لے جایا گیا جن کو اب ہم اسکاٹ لینڈ، آئرلینڈ اور ویلز کہتے ہیں۔

انگلش سیکھنا کیوں ضروری ہے؟

اس لیے خواہ ذاتی طور پر ہو یا کاروباری طور پر انگلش کی اہمیت کو سمجھنا آپ کو اپنے ہدف تک پہنچنے میں مدد کرے گا۔